ថ្ងៃ​ចន្ទ, ខែ​ឧសភា 25, 2020
LIVE

បាល់ទាត់អន្តរជាតិ

ចង់វ៉ៃចេញហើយ! Man UTD បើកដៃឲ្យក្លិបយក្សអ៊ីតាលី ចូលចែចូវយកកីឡាកររូបនេះ ក្នុងតម្លៃត្រឹម១៨លាន

អង់គ្លេស៖ យោងតាមសេចក្ដីរាយការណ៍បានឲ្យដឹងថា ក្លិបបិសាចក្រហម Manchester United បានយល់ព្រម ទម្លាក់តម្លៃខ្លួនខ្សែការពារសញ្ជាតិអង់គ្លេស Chris Smalling មកត្រឹម១៨លានអឺរ៉ូ (ឬប្រមាណ ១៩លានដុល្លារ)។

ប្រភពជាច្រើនក្នុងប្រទេសអង់គ្លេស បានរាយការណ៍មកថា Smalling សប្បាយចិត្តនៅក្របខណ្ឌ Serie A ហើយរូបគេ ចង់ផ្លាស់ទៅលេងឲ្យ Roma ជាអចិន្ត្រៃយ៍តែម្ដង។

ខ្សែការពារ Chris Smalling

យ៉ាងណាមិញ Roma បានចាត់ទុកតម្លៃខ្លួន ចំនួន២៥លានអឺរ៉ូ គឺជាតម្លៃដ៏លើសលប់ សម្រាប់ខ្សែការពារវ័យ៣០ឆ្នាំ ដែលមានកិច្ចសន្យាជាមួយ​ Man UTD រហូតដល់ឆ្នាំ២០២២រូបនេះ។

ជាមួយគ្នានេះ យោងតាមការចុះផ្សាយរបស់កាសែត Il Tempo ដើម្បីឲ្យ Roma ងាយធ្វើការសម្រេចចិត្ត ក្លិបជើងឯក Premier League ១៣សម័យ បានទម្លាក់តម្លៃខ្លួន Smalling មកនៅត្រឹម១៨លានអឺរ៉ូ។

ខ្សែការពារ Chris Smalling

គួរឲ្យដឹងដែរថា ចាប់តាំងពីផ្លាស់ទៅលេងឲ្យ Roma ក្នុងកិច្ចសន្យាខ្ចីជើង កាលពីរដូវក្ដៅឆ្នាំមុនមក Smalling បានបង្ហាញទម្រង់យ៉ាងគួរឲ្យចាប់អារម្មណ៍ ។ ជាក់ស្ដែងក្នុងរដូវកាលនេះ គេបង្ហាញខ្លួនបាន២៨ប្រកួតឲ្យក្លិបយក្សអ៊ីតាលី ក្នុងនោះគេរកបាន២គ្រាប់ និងបោះបាល់ឲ្យមិត្តរួមក្រុមសម្រេចទីបាន១ដង។

ខ្សែការពារ Chris Smalling

ដោយឡែកបើយោងតាមរបាយការណ៍ កាលពីពេលកន្លងទៅ ក្លិបកាំភ្លើងធំ Arsenal ក៏ចាប់ចិត្តចង់បាន រនាំងការពាររបស់ក្រុម Man UTD រូបនេះផងដែរ៕

បាល់ទាត់អន្តរជាតិ

អតីតជម្រើសជាតិអាល្លឺម៉ង់ លោក Hargreaves បានហាម Werner កុំផ្លាស់ទៅ Liverpool តែគួរផ្ទេរទៅក្លិបយក្សនៅ PL មួយនេះវិញ

បរទេស៖ អតីតជម្រើសជាតិអាល្លឺម៉ង់ លោក Owen Hargreaves យល់ឃើញថា ជើងស៊ុតរបស់ក្រុម RB Leipzig កីឡាករ Timo Werner អាចនឹងពិបាកប្រជែងតំណែងខ្សែប្រយុទ្ធជម្រើសទី១ ជាមួយនឹងកីឡាករ​ Roberto Firmino ក្នុងក្រុម Liverpool ដូច្នេះរូបគេគួរផ្លាស់ទៅលេងឲ្យក្រុម Manchester United ទើបល្អ។

កីឡាករ Timo Werner

លោក Hargreaves បាននិយាយលម្អិតអំពីរឿងខាងលើ ប្រាប់កាសែត BT Sport យ៉ាងដូច្នេះថា៖ជាការពិតណាស់ គាត់ (Werner) គាត់នឹងមិនអាចឆ្លងផុត Firmino នោះទេ ដែលជាខ្សែប្រយុទ្ធកំពុងលេចធ្លោម្នាក់។ ខ្ញុំគិតថា ទោះបីគាត់ផ្លាស់ទៅក្លិបណាក៏ដោយ គាត់ត្រូវការលេង ហើយចំពោះប្រព័ន្ធលេងរបស់ Man UTD បច្ចុប្បន្ន ខ្ញុំគិតថាស័ក្ដិសមនឹងគាត់ ដោយសារតែក្រុមលោក Ole Gunnar Solskjaer កំពុងខ្វះអ្នកដែលលេងតំណែងលេខ៩។ Chelsea ក៏អាចនឹងល្អសម្រាប់គាត់ដែរ ប៉ុន្តែប្រសិនបើគាត់ជ្រើសរើស Liverpool ខ្ញុំមិនប្រាកដថា គាត់នឹងបានជម្រើសទី១នោះទេ។ យ៉ាងណាមិញ ប្រសិនបើគាត់សប្បាយចិត្តនឹងលេងជម្រើសទី២ នោះគាត់នឹងល្អឥតខ្ចោះ សម្រាប់ក្រុមលោក Jurgen Klopp។

លោក Owen Hargreaves

គួរឲ្យដឹងដែរថា Werner ជាខ្សែប្រយុទ្ធវ័យក្មេងកំពុងឡើងកូដម្នាក់ នៅតំបន់អឺរ៉ុបក្នុងរដូវកាលនេះ។ ជាក់ស្ដែង ក្នុងចំណោមការចូលលេង ៣៨ប្រកួត គេស៊ុតបញ្ចូលទីបាន៣០គ្រាប់ គិតរាល់ព្រឹត្តិការណ៍ទាំងអស់។

មិនត្រឹមតែប៉ុណ្ណោះ សម្រាប់ការប្រកួតក្របខណ្ឌ​ Bundesliga សប្ដាហទី២៧ ដែលក្រុម RB Liepzig យកឈ្នះ ក្រុម Mainz 05 ក្នុងលទ្ធផល ៥-០ កាលពីម្សិលមិញ Werner ម្នាក់ឯង រកគ្រាប់បាល់ឲ្យក្រុមបាន៣គ្រាប់៕

កីឡាករ Timo Werner

បាល់ទាត់អន្តរជាតិ

Newcastle និង Wolves កំពុងបាញ់រ៉ាដាទៅលើ ជើងស៊ុតរបស់ Juventus ម្នាក់នេះ

អង់គ្លេស៖ ក្លិប Newcastle United និង Wolverhampton Wanderers ត្រូវបានគេរាយការណ៍មកថា មានចំណាប់អារម្មណ៍ ក្នុងការចុះកុងត្រាយកខ្សែប្រយុទ្ធក្រុមសេះបង្ក់ង Juventus កីឡាករ Gonzalo Higuain នៅរដូវក្ដៅខាងមុខ។

កីឡាករ Gonzalo Higuain

ជើងស៊ុតវ័យ៣២ឆ្នាំ​ក្នុងរដូវកាលនេះ ហាក់ធ្លាក់ទម្រង់លេងបន្តិច ជាក់ស្ដែងគេទើបរកបាន៨គ្រាប់ប៉ុណ្ណោះឲ្យក្រុមលោក Maurizio Sarri ខណៈ Juventus ចង់បញ្ចេញជម្រើសជាតិអាហ្សង់ទីនរូបនេះ នៅទីផ្សាររដូវក្ដៅខាងមុខ ពីព្រោះមិនចង់បាត់បង់រូបគេ ដោយមិនមានតម្លៃខ្លួន នៅពេលផុតកុងត្រានារដូវកាលក្រោយ។

កីឡាករ Gonzalo Higuain

ទន្ទឹមនឹងនេះ បើយោងតាមការចុះផ្សាយរបស់កាសែត Express ក្លិបចចកព្រៃ Wolves និង Newcastle កំពុងរៀបគម្រោងសាងយកម្ចាស់អាវលេខ២១ ត្រឡប់មកកាន់ក្របខណ្ឌ Premier League វិញ។

សូមរម្លឹកថា Higuain ក៏ធ្លាប់មានបទពិសោធន៍លេងនៅលីគកំពូលអង់គ្លេសផងដែរ។ តួយ៉ាងគេធ្លាប់ចំណាយពេល៦ខែ លេងឲ្យក្រុម Chelsea ក្នុងកិច្ចសន្យាខ្ចីជើង ដោយកាលនោះ គេបង្ហាញខ្លួនឲ្យក្រុមរហស្សនាមតោខៀវបាន១៨ប្រកួត ស៊ុតបញ្ចូលទីបាន៥គ្រាប់ គិតរាល់ព្រឹត្តិការណ៍ទាំងអស់៕

កីឡាករ Gonzalo Higuain

បាល់ទាត់អន្តរជាតិ

David Luiz ប៉ង​បញ្ចប់​អាជីព​ជាមួយ Benfica មិនមែន​នៅ Arsenal ទេ

ខ្សែ​ការពារ David Luiz បាន​និយាយ​ថា គេ​ចង់​ចាកចេញ​ពី Arsenal ដើម្បី​បញ្ចប់​អាជីព​បាល់ទាត់​នៅ​ក្រុម Benfica។

កីឡាករ​សញ្ជាតិ​ប្រេស៊ីល​វ័យ​៣៣​ឆ្នាំ​​បាន​សាង​កេរ្តិ៍ឈ្មោះ​នៅ Benfica មុន​ពេល​ផ្ទេរ​មក Stamford Bridge ក្នុង​ឆ្នាំ​២០១១។ Luiz មាន​វ័យ​ទើប​តែ​១៩​ឆ្នាំ​ប៉ុណ្ណោះ​ ពេល​ដែល​ Benfica សម្រេច​ចិត្ត​ទិញ​ផ្ដាច់​ក្នុង​ឆ្នាំ​២០១៧ ពី​ក្រុម​នៅ​ប្រេស៊ីល Vitoria។

Luiz បាន​សាង​​ភាព​ល្បីល្បាញ​អំឡុង​ពេល​ស្ថិត​ក្រោម​ដំបូល Benfica រហូត​ធ្វើ​ឲ្យ Chelsea មើល​ឃើញ​ទិញ​ក្នុង​តម្លៃ​ខ្លួន​២១,៥​លាន​ផោន។ ក្រោយ​កីឡាករ​ពោរពេញ​ដោយ​បទពិសោធន៍​​​បាន​ផ្ទេរ​ទៅ Arsenal នៅ​ថ្ងៃ​ Deadline ក្នុង​តម្លៃ​៨​លាន​ផោន​កាល​ពី​រដូវ​​ក្ដៅ​មុន។

ត្បិត​តែ​ធ្លាប់​លេង​នៅ​ទីក្រុង​ឡុងដ៏​យូរ​ឆ្នាំ​បែប​នេះ​ តែ Luiz គ្មាន​ចេតនា​ចង់​បញ្ចប់​អាជីព​នៅ​ទី​នេះ​ឡើយ។ "ខ្ញុំ​តែងតែ​និយាយថា ខ្ញុំ​​ចង់​​ព្យួរ​ស្បែកជើង​​របស់​ខ្ញុំ​នៅ​ឯ​ក្លឹប Benfica។ ក្នុង​បាល់ទាត់់​គ្រប់​យ៉ាង​អាច​ប្រែប្រួល អ្វី​ដែល​ជា​ការ​ពិត​ថ្ងៃ​នេះ ស្អែក​ជា​ការ​កុហក​ក៏​មាន ប៉ុន្តែ​អារម្មណ៍​របស់​ខ្ញុំ​​ប្រែ​ឡើយ។ ខ្ញុំ​ស្រឡាញ់​ក្លឹប Benfica”៕

បាល់ទាត់អន្តរជាតិ

ក្លឹប​លំដាប់​មធ្យម​២​នៅ Premier League គ្រោង​ផ្ទេរ​យក Higuain

ក្លឹប Wolves និង​ក្លឹប​អ្នក​មាន​ថ្មី Newcastle កំពុង​ប្រកួត​ប្រជែង​​ទិញ​យក​ខ្សែ​ប្រយុទ្ធ Gonzalo Higuain ដែល​ជា​កីឡាករ​​មិន​ស្ថិត​ក្នុង​ជម្រើស​នៅ Juventus។

កីឡាករ​សញ្ជាតិ​អាហ្សង់ទីន​​កំពុង​បន្ត​នៅ​រក្សា​ខ្លួន​នៅ​ឯ​ប្រទេស​កំណើត ដោយ​សារ​មិន​ពេញ​ចិត្ត​ជាមួយ Juventus។ Higuain ធ្លាប់​ត្រូវ​បាន​ខ្ចី​ជើង​ទៅ​លេង​នៅ​អង់គ្លេស​ជាមួយ​ក្លឹប Chelsea ដែល​ជា​កន្លែង​គេ​រក​បាន​៣​គ្រាប់ ក្នុង​ការ​បង្ហាញ​ខ្លួន​១៣​ប្រកួត​នៅ Premier League។

Wolve ចង់​បាន Higuain ទៅ​ជំនួស​កន្លែង Raul Jiminez ដែល​កំពុង​មាន​ការ​ទាក់ទង​ចង់​បាន​ពី​ក្លឹប Manchester United មាន​តម្លៃ​ខ្លួន​ដល់​៨០​លាន​ផោន​ឯណោះ។ ចំណែក Newcastle ដែល​ត្រៀម​មាន​​ប្រធាន​ក្លឹប​ថ្មី​ជា​សេដ្ឋី​​អារ៉ាប៊ីសាអ៊ូឌីត​ក៏​ចង់​បាន Higuain ដូច​គ្នា។

​Higuain ក៏​ធ្លាប់​ត្រូវ​បាន​ក្លឹប​ចាស់​របស់​គេ River Plate នៅ​ក្នុង​ប្រទេស​អាហ្សង់ទីន​ទាក់ទង ប៉ុន្តែ​គេ​​នៅ​មាន​ចិត្ត​ចង់​លេង​នៅ​អឺរ៉ុប​បន្ត​ទៀត។ ក្នុង​អាជីព Higuain ជោគជ័យ​បំផុត​ពេល​នៅ​ជាមួយ Real Madrid ឈ្នះ​ពាន La Liga ៣​រដូវ​កាល៕ ​

បាល់ទាត់អន្តរជាតិ

Ford ចេញឡាន Explorer PHEV ៧កៅអីថ្មី ស៊ីសាំងត្រឹម ៣លីត្រ/១០០គ.ម៉

Ford បានប្រកាសចេញរថយន្តប្រើម៉ាស៊ីន Plug-in Hybrid ទី៤ របស់ខ្លួននៅអឺរ៉ុប គឺ ម៉ូដែល Explorer PHEV ដែលបំពាក់កៅអី ៣ជួរ ហើយសន្សំសំចៃខ្លាំងទៀតផង។

រថយន្ត SUV ៧កៅអីខាងលើនេះ បំពាក់ម៉ាស៊ីនប្រភេទ Plug-in Hybrid ដែលគួបផ្សំម៉ាស៊ីនសាំងចំណុះ ៣,០លីត្រ EcoBoost V6 ជាមួយអាគុយកម្លាំង ១៣,៦គីឡូវ៉ាត់ម៉ោង និងម៉ូទ័រអគ្គិសនីមួយ មានកម្លាំងសរុប ៤៥៧សេះ ប្រើប្រអប់លេខអូតូ ១០វគ្គ និងប្រព័ន្ធប៉ុងពីរ។

Explorer PHEV អាចបើកបរដោយថាមពលអគ្គិសនីសុទ្ធ ចម្ងាយ ៤០គីឡូម៉ែត្រ នៅពេលសាកភ្លើងពេញម្តង ហើយមានកម្រិតស៊ីប្រេងត្រឹមតែ ៣,១លីត្រប៉ុណ្ណោះក្នុង ១០០គីឡូម៉ែត្រ។ រថយន្តនេះត្រូវបានដាក់លក់ក្នុងតម្លៃចាប់ពី ៨២ ២៥០ដុល្លារ លើទីផ្សារប្រទេសអាល្លឺម៉ង់៕

បាល់ទាត់អន្តរជាតិ

PSG បង្កើន​ការ​ចរចា ដើម្បី​នាំយក Super Star មួយ​រូប​ពី​ទឹក​ដី​អ៊ី​តាលី

បើតាមរបាយការណ៍របស់សារព័ត៌មាន Le10Sport បានរាយការណ៍ឱ្យដឹងថា​ ខ្សែបម្រើកណ្តាលរបស់ក្លឹប Lazio កីឡាករ Sergej Milinkovic-Savic នៅតែជាគោលដៅផ្ទេរជួរមុខរបស់ក្លឹបអ្នកមានបារាំង Paris Saint-Germain នារដូវកាលក្រោយនេះ។

កីឡាករ Sergej Milinkovic-Savic

លោក Leonardo នាយកផ្នែកកីឡារបស់ក្លឹប Paris Saint-Germain ពិតជាមានចំណាប់អារម្មណ៍យ៉ាងខ្លាំង ក្នុងការចុះហត្ថលេខាយកតារាឆ្នើមជម្រើសជាតិស៊ែប៊ី ដែលកំពុងត្រូវបានក្លឹបចំនួន ៣ផ្សេងទៀត ចូលខ្លួនប្រជែង​យករូបគេដូចគ្នា។

លោក Leonardo

ទោះជាយ៉ាងណា ក្លឹបជើងឯកនៅក្របខណ្ឌ Ligue 1 មួយនេះ ជឿកជាក់ថា ក្លឹប Paris Saint-Germain អាចផ្តល់ជូននូវតម្រូវការហិរញ្ញវត្ថុបានគ្រប់គ្រាន់សម្រាប់ការទាមទាររបស់ក្លឹប Lazio និងកីឡាករ Sergej Milinkovic-Savic ស្របពេលដែលបច្ចុប្បន្ន កីឡាកររូបនេះ មានតម្លៃខ្លួនក្នុងទីផ្សារកីឡាករចំនួន ៦៤លានផោន។

កីឡាករ Sergej Milinkovic-Savic

សូមជម្រាបផងដែរថា Sergej Milinkovic-Savic បានផ្ទេរពីក្លឹប Genk របស់លីគកំពូលបែលហ្ស៊ិក មក​ចូលរួម​ជាក្លឹប Lazio កាលពីដើមរដូវកាល ២០១៥-២០១៦ ក្នុងតម្លៃខ្លួន ១៨លានផោន ដោយបង្ហាញខ្លួនសរុបឱ្យក្លឹប Lazio បានចំនួន ១៩៤ប្រកួត ក្នុងនោះរូបគេអាចរកគ្រាប់បាល់បានចំនួន ៣៦គ្រាប់ និងបញ្ជូនបាល់ឱ្យមិត្តរួមក្រុម​បញ្ចប់ទីបានចំនួន ២៦គ្រាប់ផងដែរ៕

កីឡាករ Sergej Milinkovic-Savic កាលលេងនៅក្លឹប Genk

បាល់ទាត់អន្តរជាតិ

Neymar ​លែង​ជា​គោលដៅ​ទី​១​សម្រាប់ Barca ​ទៀត​ហើយ​

ខ្សែ​ប្រយុទ្ធ Neymar ​លែង​ជា​គោលដៅ​ទី​១​សម្រាប់​ក្រុម FC Barcelona ​ដើម្បី​ទិញ​យក​នៅ​រដូវ​ក្ដៅ​ខាង​មុខ​នេះ​ទៀត​ហើយ​។

​ដោយសារ​តែ​តម្លៃ​ខ្លួន​ខ្ពស់ ​និង​ក្រុម PSG ​មិន​ចង់​លក់​ឱ្យ​ផង​នោះ ​ទើប​បាន​ជា​ក្រុម FC Barcelona ​លែង​ដាក់​គោលដៅ Neymar ​ជា​ជម្រើស​ទី​១​របស់​ខ្លួន​ហើយ។ ពួកគេ​បាន​ចាប់​អារម្មណ៍​ទៅ​លើ​ខ្សែ​ប្រយុទ្ធ​ Lautaro Martinez ​របស់​ក្រុម Inter Milan ​និង ​Miralem Pjanic ​ខ្សែ​បម្រើ​របស់​ក្រុម Juventus ​វិញ​ហើយ​។ Lautaro ​ត្រូវ​បាន​ក្រុម​អ្នក​មាន​បុណ្យ​ត្រូវ​ការ ដោយសារ​តែ Messi ​ក៏​បាន​សរសើរ​ដល់​កីឡាករ​សញ្ជាតិ​អាហ្សង់ទីន​នេះ​ដែរ។

​សម្រាប់ Pjanic ​វិញ ​ក្រុម Barcelona ​អាច​យក​កីឡាករ​ក្នុង​ក្រុម​របស់​ខ្លួន​ទៅ​ប្ដូរ​ជាមួយ Juventus ​បាន។ ​ក្រុម​សេះ​បង្កង់​ចង់​បាន​កីឡាករ​របស់​ក្រុម Barcelona ​ម្នាក់​វិញ ប្រសិន​បើ​យល់​ព្រម ​នោះ​ការ​ផ្លាស់​ប្ដូរ​កីឡាករ​គ្នា​នឹង​អាច​កើត​មាន​គ្រប់​ពេល៕

បាល់ទាត់អន្តរជាតិ

​Shanghia Shenua ចង់​យក Ighalo ទៅ​វិញ បញ្ចប់​ការ​ខ្ចី​ជើង​នៅ Man Utd

Manchester United កំពុង​តែ​បារម្ភ ពួក​គេ​នឹង​បាត់បង់​កីឡាករ​ខ្សែ​ប្រយុទ្ធ​ខ្ចី​ជើង Odion Ighalo នៅ​សប្ដាហ៍​នេះ។

តាម​គ្រោង​លោក Ole Gunnar Solskjaer ចង់​បន្ថែម​កុងត្រា​ឲ្យ​កីឡាករ​សញ្ជាតិ​នីហ្សេរីយ៉ា​រយៈពេល​៣​ខែ​ទៀត​​ដើម្បី​ជួយ​លេង​ឲ្យ​ចប់​រដូវ​កាល​តែ​ម្ដង។ ប៉ុន្តែ​ក្លឹប​ដើម​របស់ Ighalo គឺ Shanghia Shenua  បាន​បដិសេធ​សំណើ​នេះ និង​ចង់​យក​គេ​ត្រឡប់​ទៅ​វិញ​ដើម្បី​រៀបចំ​ចាប់​ផ្ដើម​លេង​រដូវ​កាល​ថ្មី​របស់​ពួក​គេ។

កិច្ចសន្យា​ខ្ចី​ជើង​របស់ Ighalo ជាមួយ​បិសាច​ក្រហម​​នឹង​ត្រូវ​អស់​នៅ​ចុង​ខែ​នេះ មាន​ន័យ​ថា​ថ្ងៃ​ចុងក្រោយ​របស់​គេ​នៅ​ទីក្រុង Manchester នៅ​ថ្ងៃ​អាទិត្យ​សប្ដាហ៍​នេះ។ តាម​បំណង​កីឡាករ​វ័យ​៣០​ឆ្នាំ​ចង់​​បញ្ចប់​រដូវ​កាល​នៅ Old Trafford បន្ទាប់​ពី​រក​បាន​៤​គ្រាប់​ក្នុង​ការ​បង្ហាញ​ខ្លួន​៨​ប្រកួត មុន​ពេល​កម្មវិធី​ប្រកួត​ត្រូវ​ផ្អាក​ដោយ​សារ​វីរុស​កូរ៉ូណា។

Man Utd មាន​ចេតនា​ចង់​បន្ត​កុងត្រា​ឲ្យ Ighalo តែ Shanghai ក៏​ត្រៀម​ដូច​គ្នា​​ចង់​ពង្រីក​កុងត្រា​ថ្មី​ផ្ដល់​ថ្លៃ​នឿយហត់​៤០​ម៉ឺន​ផោន​ក្នុង​មួយ​សប្ដាហ៍៕ ​